ཀན་སུའུ་མི་རིགས་དཔེ་སྐྲུན་ཁང་ནི་སྤྱི་ལོ1957ལོའི་ཟླ་དང་པོར་བཙུགས་ཤིང་། ཀན་སུའུ་ཞིང་ཆེན་ནང་ཁུལ་གྱི་ཆེས་སྔ་བའི་ས་གནས་ཕྱོགས་བསྡུས་རང་བཞིན་ཅན་གྱི་དཔེ་སྐྲུན་ཁང་ཡིན་པར་མ་ཟད། ཞིང་ཆེན་ནང་ཁུལ་གྱི་བོད་ཡིག་འོས་ཐོབ་མངའ་བའི་དཔེ་སྐྲུན་ཁང་གཅིག་པུ་ཡང་ཡིན། ད་ལྟའི་ཆར་ཀློག་པ་པོ་སྨྱན་སྦྱོར་མ་རྐང་དཔེ་སྐྲུན་ཚད་ཡོད་ཀུང་སིའི་ཡན་ལག་ཏུ་གྱུར་ཡོད་པ་དང་། གཞུང་སྒྲུབ་ས་གནས་གཅིག་དང་གཞུང་སྒྲུབ་ཁང་བཅུ་གསུམ། སྤྱི་ཁྱབ་ཙུང་ལི་དང་སྤྱིའི་རྩོམ་སྒྲིག་པ་གཅིག སྤྱི་ཁྱབ་ཙུང་ལི་གཞོན་པ་དང་སྤྱིའི་རྩོམ་སྒྲིག་གཞོན་པ་གཉིས། དཔེ་སྐྲུན་ཨུ་ཡོན་ལྷན་ཚོགས་དང་། རྩོམ་སྒྲིག་ཨུ་ཡོན་ལྷན་ཚོགས་བཅས་ཡོད།   འདིར་རྒྱ་ཡིག་རྩོམ་སྒྲིག་ཁང་དང་བོད་ཡིག་རྩོམ་སྒྲིག་ཁང་། གལ་ཆེའི་ལས་གཞི་ལས་སྒྲུབ་ཁང་། སྨྱན་སྦྱོར་ཁང་། ཁྲོམ་གཉེར་ཚོང་སྒྲུབ་ཁང་། ཕྱོགས་བསྡུས་ལས་སྒྲུབ་ཁང་བཅས་ཡོད། 

སྤྱི་ལོ2024ལོའི་ཟླ11པར། ངེད་དཔེ་སྐྲུན་ཁང་དུ་ལས་མི28ཡོད་པ་དང་། དེའི་ཁྲོད་ཀྱི་རྩོམ་སྒྲིག་པ24ལ་སློབ་ཆེན་དངོས་གཞི་དང་ཞིབ་འཇུག་སློབ་མ་སོགས་ཀྱི་སློབ་གཉེར་བརྒྱུད་རིམ་ཡོད། རྩོམ་སྒྲིག་པ10ལ་མཐོ་རིམ་ལས་ཐོབ་མངའ་བ་དང་། རྩོམ་སྒྲིག་པ10ལ་འབྲིང་རིམ་ལས་ཐོབ་མངའ། གཞན་ངེད་དཔེ་སྐྲུན་ཁང་གིས་ཆུང་འབྲིང་སློབ་གྲྭའི་ཆབ་སྲིད་དང་ལོ་རྒྱུས། གྲངས་རིག དངོས་ལུགས། སྐྱེ་དངོས། མཛེས་རྩལ། ས་རྒྱུས། དབྱིན་ཡིག རྫས་འགྱུར་སོགས་རིག་ཚན་དུ་མའི་སྦྱང་གཞི་ལྷན་ཐབས་དཔེ་སྐྲུན་བྱེད་མུས་སུ་ཡོད།

ངེད་དཔེ་སྐྲུན་ཁང་བཙུགས་པ་ནས་བཟུང་། ཏང་སྲིད་དྲིལ་སྒྲོག་དང་། མི་རིགས་རིག་གནས་དར་སྤེལ་དམིགས་གཞིར་བཟུང་སྟེ། རྒྱ་བོད་གཉིས་ཀྱི་དཔེ་ཆ་སྣ་ཚོགས་དཔར་སྐྲུན་གང་ལེགས་བགྱིས་ཤིང་། ད་ལྟ་ས་གནས་ལོ་རྒྱུས་དང་ལོ་གསལ་མེ་ལོང་། ཏུན་ཧོང་རིག་པ། གནའ་དཔེའི་ཡིག་ཚང་། རིག་རྫས་རྟོག་ཞིབ་རིག་པ། རིག་གནས་ལོ་རྒྱུས་སོགས་བོད་རིག་པ་དང་མི་རིགས་རིག་པའི་ཁྱབ་ཁོངས་སུ་གྱུར་པའི་རིག་ཚན་སྐོར་གྱི་འབྲེལ་ཡོད་ནང་དོན་དང་། གཞན་སྦྱང་གཞི་ལྷན་ཐབས་དང་ཐུན་མོང་ཀློག་དེབ་སོགས་དཔེ་སྐྲུན་བྱེད་པར་མངོན་གསལ་དོད་པའི་ཁྱད་ཆོས་ཀྱིས་ཕྱུག་ཡོད།

སྔ་ཕྱིར་རྒྱལ་ཁབ་རིམ་པའི་ལོ་ལྔའི་གལ་ཆེའི་དཔེ་ཆ་དཔེ་སྐྲུན་གྱི་ལས་གཞི་དང་། རྒྱལ་ཁབ་ཐེབས་རྩའི་དཔེ་སྐྲུན་ལས་གཞི། སྤྱི་ལོ2013ནས2025ལོའི་བར་རྒྱལ་ཁབ་ཀྱི་ཚིག་མཛོད་རྩོམ་སྒྲིག་ལས་གཞི་སོགས་ལས་གཞི་རིགས30ལྷག་འགན་ལེན་བྱས་པར་མ་ཟད། ད་དུང་དཔེ་དེབ100ལྷག་ལ་ཀྲུང་གོའི་དཔེ་ཆའི་གཟེངས་རྟགས་དང་། ཀྲུང་ཧྭའི་ཕུལ་བྱུང་དཔེ་སྐྲུན་གཟེངས་རྟགས། ཀྲུང་གོའི་དཔེ་སྐྲུན་སྲིད་གཞུང་གཟེངས་རྟགས་སོགས་རྒྱལ་ཁབ་རིམ་པའི་དཔེ་ཆེའི་གཟེངས་རྟགས་སྣ་ཚོགས་ཐོབ་མྱོང་། མདོར་ན་དཔེ་སྐྲུན་ཁྱད་ཆོས་ཅུང་འབུར་དུ་ཐོན་ཞིང་། སྣ་སྒོ་མོའི་ནུས་རྩལ་འཛོམས་པའི་ས་གནས་རང་བཞིན་གྱི་དཔེ་སྐྲུན་ཁང་ཞིག་ཡིན།